香港公開游泳錦標賽上午小結]
見到咁多大家嘅留言，小女子真係好感動。雖然未能逐一回覆，但係大家嘅心意我全部收到。所以特此喺度做個小報告，報告如下：
今朝起身如我所料，仲係一樣痛。熱身都唔可以測試比賽速度，只能夠慢慢來，慢慢游。比賽前要解決嘅問題係跳水。因為跳入水嘅衝力太大，我希望避免。所以喺片中大家見到，我冇一如既往臨比賽前嘅跳躍興奮動作，跳水都跳唔到，只可以好似BB咁撐牆。
當我到邊的時候，睇到時間係30.18，比我的最佳時間慢咗好多。
鑒於我出發時未能跳水，又不可以用力咁游，所以游到呢個時間，我同教練都認為唔差。
接着就係50米自由式。跳水基本上係跌入水，游完之後成績亦同樣唔係太差，26.88。
呢一個星期六早上，我上咗運動員寶貴亦昂貴嘅一課。我明白到，如果我冇嘗試，我係唔會知道結果。
比賽之前以為自己跳出去係游不到亦唔會有好嘅時間。但事實係只要夠堅持堅定，我可以做到。雖然跳唔到水，就算跌到水中，亦可以游到唔差嘅成績。
最後要記得：當我覺得自己唔得嘅時候，未必真係唔得，因為我都未試。可能我完成之後覺得效果還是不錯的，而呢種收穫感受是比我在狀態好而游得好嘅時候同樣重要。
#關關難過關關過
#仲有更多關都未驚過
#今晚決賽再嚟
Search